Monday, November 28, 2011

BISAN NAHILAYO

Bisan nahilayo sa panid ning utlanan
Ikaw lang gihapon ang gihanyo sa kapalaran
Nga gustong makauban sa adlaw nga tanan
Kay ikaw man ang nagpahupay sa nagpin-ot kung dughan

Nia man ako sa halayong dapit
Kay gustong kab-oton ang langit
Bisan sa kapit-os ug walay masangpit
Tungod nimu akong antuson ang kapait

Kay ikaw man akong nakaplagan
Sa gugma kung walay utlanan
Bisan ako usa ka kabus lamang
Apan ikaw akong gi ampingan

Bisan ako gikuso-kuso sa pagsulay sa kapalaran
Andam lang gihapon sa pagsapupo sa tanan
Kay ikaw man ang naghari ning akong dughan
Susama sa tin-aw nga tubig akong pagatumsan

Dako nakong kalipay madungog imong talidhay
Sa balod nga walay pagmahay
Kay ikaw man ang akong kalipay
Bisan nahilayo sa imong pagpangindahay

Magkahiusang bukton atong padayunon
Magkahiusang pangandoy atong kab-uton
Bisan nahilayo gugma tiunay atong punto
Kay ikaw kanunay ania sa akung damgo

by: erikho Obido

2 comments:

lettersinlonghand said...

huwaawww! :) hehehe

erikho said...

Even though some said that Bisdak are corny to hear...but this is my way of expression...thanks pls. keep coming back...