Adlawng natawhan

image: shutterstock

hilabihan gayud nako nga kalipay
nga nahimugso ko aning kalibutan
kay nabati nako nga pinangga ko sa akong ginikanan
kay ila gayud kong gi-ampingan 
bisan anaa pako sa sabakan sa akong inahan


kaning pagpuyo nako aning kalibutan
gasa kini sa Dios nga labing gamhanan
nga kanunay iya akong gitabangan
ug wala ko niya gipasagdan
kanunay iya akong gi-atiman

dili gayud nako mahikalimtan
ang akong mga kaigsuonan
nga kanunay ani-a sa akong kiliran
panahon sa akong problemang gisagubang
sila akong kasaligan

niining akong adlawng natawhan
kamu ang unang gasa kanako sa Dios Amahan
sa akong kalipay nga walay kahimutanagan
kay kamu man ang nagpahimuot sa akong dughan
ug ang kalipay usab inyung makaplagan

niining bug-os kong dughan
kalipay walay mahimutangan
bisan sa sayon nga paagi
inyu akong gihalaran
sa pagbati ug maayong adlawng natawhan

original compose by: erikho Obido