Kamingaw sa Payag

Sa kaniadtong nag-uban pa kita
Atong kalipay wala gayo'y susama
Kay puno sa talidhay ug katawa
Ug puno sa kadasig ug damgo nga saw-an ta

Ikaw ang nagmugna nga mutuybo ang gugma sa akong dughan
Kay imo mang giyabihan sa gugma kong tinapigan
Sa kinauyukan kung dughan imong gi-abrihan
Sa akong tiunay nga gugma nga walay kabalhinan

Apan ikaw nagpahilayo ug ang dughan ko nagasubo
Kay ang akong dughan ug huna-huna dili na magtakdo
Kay ang kamingaw ug kaguol mao may mubutho
Bisan sa halawom nga kagabhion ikaw huna-hunaon

Bisan ikaw nagpahilayo ikaw gihapon ang gihangyo
Kay sa akong dughan ikaw man ang makapawala sa kasubo
Kay gugmang tiunay man sa akong dughan ang mituybo
Apan ikaw man dinhe sa akong dughan nagpahilayo

Tungod sa akong kamingaw ang payag akong giduaw
Maoy bugtong saksi sa atong gugma nga akong gipanghupaw
Ug ako gisayangan ug napuno sa panghupaw
Kay ikaw kanako nagpahilayo ug hain kana mipanaw?

By: Erikho

My Parents My Hero

Ang atong Parents maoy tinood nga hero sa atong kinabuhi...sa bisan sa kakapoy sa ilang trabaho sila anaa guihapon sa pag-akatar nato...sila ang nag-amoma ug nag matoto kanato...ang tanang butang ilang gihatag kanato haron lang malipay ang ilang anak ug makab-ot ang pangandoy sa ilang pinalanggang anak...apan kon kini mudako na gani ug mahuman na sa pag skwela o wala apan naa nay kaugalingun nga trabaho dili na gani halos mulingi sa ilang ginikana ug bisan sa pagpangumusta nalang gani...ug bisan sa pag ingun nga "MA' PA' KAMUSTA NAMAN MO DINHA?... I MISS YOU MAMA AND PAPA OR I LOVE MA' PA'...SALAMAT SA INYONG PAG-ATIMAN KANAKO SAMTANG GAMAY PAKO, UG NI DAKO KO SA MAAYONG PAG GIYA NINYO...." Apan karun tigulang na sila na dapat kita napod mo balos sa ilang pag alima kanato samtang bata pata....unya nalang bah ta?mu tabang nila ug naa na unya sila naka frame sa kahoy ug ang ulo nalay makita sa samin....ulahi na ang tanan...ug mag recall nalang ta sa ilang kaayo ug gugma nga ilang gihatag kanato... hope we say I love you Ma' & Pa'

Ang Gasa sa Kahitas-an

Sa atong kinabuhi dinhe sa kalibutan, and tanan ato lang gihulaman...apan kitang tawo niining kalibutana na puno sa pangandoy ug dili matukib nga kabuot sa pagpahimulos sa gasa nga atong nadawat ug natagamtaman, bisan nga gakumkom na ang duha ka kamot sa ilang bahande apan wala pa gayud matablaw... Ug nakalimut sa pagpasalamat nga aduna diay nag lantaw sa atong gibuhat...busa kita samtang ania pa kita niing kalibutana, atong iapud-apod ang gasa nga atong nadawat kay labaw pa unya ang ihatag niya kanato kun makita niya ang atong kaayo sa atong isigkatawo...

Bulahan kadtong pubre sa bahande apan dato ug kasing-kasing sa pagmahal sa iyang isig ka-ingun kay adunay mapaabot... Kay ang gasa dili nimu matagna mukalit lang ug abot ug mahibulong kalang ug asa kini gikan...sa bisan sa atong piskay nga lawas ug maayo nga pagpuyo usa kana nga gasa...apan kita malimot sa pagsampit ug pagpasalamt kaniya kay nabuta kita sa material nga butang dinhe sa kalibutan...kay atong kanunay nga gihuna-huna ang kalibutanong kalipay lamang...

Ang pagpaslamat dili bug-at...ang kaayo ug paghigugma  usa ka gasa nga gihatag kanoto sa atong amahan...